Catro traballadores dunha panadería de Boqueixón (A Coruña) necesitaron asistencia sanitaria tras producirse nas instalacións un escape de gas, informou o 112.
Segundo os datos facilitados, a intoxicación puido producirse por unha mala combustión nun xerador de electricidade. O establecemento no que se produciron os feitos sitúase no lugar de Camporrapado, na parroquia de Oural.
O 112 Galicia tivo constancia do ocorrido ás 7:30 horas da madrugada deste sábado, a través da alerta de Urxencias Médicas.
Os efectivos sanitarios desprazáronse ata o punto para atender ás catro vítimas, que non tiveron que ser trasladadas.
Desde o Centro de Atención ás Urxencias do 112 informouse aos Bombeiros de Ordes e a Protección Civil.
Catro traballadores dunha panadería de Boqueixón resultan afectados por un escape de gas
O establecemento no que se produciron os feitos sitúase no lugar de Camporrapado, na parroquia de Oural