Axentes da Policía Nacional en Santiago detiveron e puxeron a disposición xudicial un home de 24 anos por simular un roubo tras ter gastado 200 euros en máquinas comecartos.
Un mozo acudiu á comisaría da capital galega o pasado día 21 para denunciar que tres días antes dous homes ameazáranlle cunha navalla e subtraéronlle unha cadea dourada e a carteira na que levaba 200 euros e un recibo de depósito dun establecemento de compra-venda.
A investigación determinou que o recibo correspondía a unha compravenda recuperable dun terminal de telefonía móbil polo que lle deron 200 euros, realizada tres horas antes do momento do suposto roubo. Por esta razón os axentes citaron de novo ao denunciante para ampliar informacións sobre o sucedido e se puidese achegar algún dato máis.
Tras as primeiras preguntas o mozo "de forma espontánea", segundo a Policía, manifestou que todo o denunciado era mentira, que o diñeiro gastouno nos comecartos e que decidiu denunciar por medo á súa nai. Por este motivo, foi detido e remitíronse as dilixencias ao xulgado.
Detido un mozo que simulou un roubo en Compostela logo de gastarse 200 euros en comecartos
Un mozo acudiu á comisaría da capital galega o pasado día 21 para denunciar que tres días antes dous homes ameazáranlle cunha navalla e subtraéronlle unha cadea dourada e a carteira
