A Garda Civil detivo a un ferrolán como presunto autor dun roubo con forza de material dunha orquestra no municipio coruñés de Abegondo.
Axentes do posto de Abegondo detiveron este martes ao suposto autor dun roubo con forza cometido no lugar de Meangos, no que o agora detido tería substraído diverso material musical en dous camións que servían de escenario estacionados no interior dunha nave situada no citado lugar.
O home, de 57 anos e residente en Ferrol, apropiouse de obxectos valorados nuns vinte mil euros, que finalmente foron recuperados. O roubo levouse a cabo o pasado día 20 de xaneiro e tras as investigacións realizadas localizouse ao suposto autor, que foi posto a disposición do xulgado de instrución número dous de Betanzos.
Detido por roubar material de orquestra en Abegondo
Tería substraído obxectos de dous camións estacionados nunha nave no municipio
