A Garda Civil detivo na localidade coruñesa de Aranga un mozo acusado de simular o roubo do seu vehículo co obxectivo de evitar unha sanción de tráfico.
Segundo informou o Corpo, o delito tivo a súa orixe nunha multa de tráfico imposta o pasado mes de outubro nun control de velocidade na N-VI, ao seu paso por Aranga. Aínda que ao mozo déuselle o alto, fixo "caso omiso ao sinal dos axentes".
Tras darse á fuga, á mañá seguinte o home denunciou que lle subtraeron o coche dentro do seu garaxe, onde estaba coas chaves postas. O vehículo foi localizado dous días despois nun escampado próximo á vivenda en perfecto estado.
Tras a investigación, os axentes puideron probar que o vehículo non fora subtraído e que "todo fora orquestrado para evitar a sanción por exceso de velocidade". O mozo foi detido por infracción de tráfico e simulación de delito.
Detido un veciño de Aranga que simulou o roubo do seu coche para evitar unha multa de tráfico
O mozo saltouse un control de velocidade e, ao día seguinte, denunciou que lle roubaran o vehículo
