Dous mozos foron detidos como presuntos autores dun roubo con forza nun establecemento hostaleiro da cidade de Pontevedra ocorrido na madrugada do pasado 23 de novembro.
Segundo informou a Comisaría de Pontevedra, os detidos, de 20 e 26 anos, respectivamente, contan con antencedentes penais previos e foron postos a disposición xudicial.
Os axentes perseguiron aos acusados logo de que un particular dese o aviso de que se estaba producindo un roubo no bar. Os detidos forzaran o cadeado da parte traseira do establecemento e, unha vez no interior do local, romperon cunha cadeira a máquina comecartos e apoderáronse das moedas que había no seu interior.
Dúas persoas detidas por un roubo con forza nun bar de Pontevedra
Os mozos, de 20 e 26 anos, romperon a máquina comecartos e levaron as moedas que había no seu interior