Un colexio de Oleiros, situado na rúa Saber deste municipio coruñés, foi evacuado este mércores tras saltar a alarma de incendios. Segundo informa o 112, os responsables do centro educativo puxéronse en contacto coa central de urxencias ás 14.30 horas e indicaron que non detectaran fume en ningunha das estancias, pero que procedían ao desaloxo.
Con estes datos, o 112 informou aos bombeiros de Arteixo, a Protección Civil e á Policía Local. Co centro baleiro revisaron as instalacións e comproaron que efectivamente non había ningún lume. Crese que puido producirse algún fallo que provocou que a alarma se activase.
Evacúan un colexio de Oleiros tras saltar por un fallo a alarma de incendios
A revisión das instalacións revelou que non había ningún lume