Distintos servizos de urxencias foron mobilizados na mañá deste xoves debido a unha posible avaría na caldeira dun colexio do municipio coruñés de Oleiros, que foi evacuado por precaución, pero que resultou ser finalmente unha falsa alarma.
Segundo informou o 112 Galicia, os medios de urxencias mobilizados sobre o mediodía desprazáronse ata un colexio de Santa Cruz, en Oleiros por unha posible avaría na caldeira.
En concreto foron avisados os Bombeiros de Arteixo, Protección Civil, Garda Civil e a Policía Local. Ademais, informouse o persoal sanitario por se fose necesaria a súa intervención, aínda que os alertantes xa aseguraran que ninguén había resultado afectado.
Foi ás 12,00 horas deste xoves cando o mesmo persoal do centro informaba ao 112 Galicia e, segundo o seu relato, tras activarse a alarma de incendios, procederon a evacuar o centro por precaución.
Tras o dispositivo despregado, os Bombeiros de Arteixo confirmaron que se tratou dunha falsa alarma.
Evacúan un colexio de Oleiros debido a unha falsa alarma coa súa caldeira
Despregouse un amplo dispositivo no centro ante o perigo que podía levar unha posible avaría
