Unha moza resultou ferida este xoves en Outes ao sufrir unha saída de vía, informou o 112. O seu vehículo caeu por un desnivel e acabou impactando contra un poste. O accidente rexistrouse na estrada que une a localidade con Piñeiro do Val ao seu paso polo lugar de Rodeiro, na parroquia de Matasueiro.
A vítima tivo que ser liberada polos efectivos mobilizados, axudados dun equipo de excarceración. Ata o lugar tamén se mobilizou o helicóptero con base en Santiago, que tivo que cancelar o seu servizo debido ás malas condicións meteorolóxicas.
Unha persoa particular alertou do sinistro ao 112 Galicia ás 16.40 horas deste xoves. O persoal do Centro de Atención ás Urxencias informou a Urxencias Médicas, aos Bombeiros de Boiro e ao GES de Muros. Os feitos tamén foron postos en coñecemento de Protección Civil e da Garda Civil de Tráfico.
ACCIDENTE DE TRACTOR. Tamén en Outes un home resultou ferido este xoves ao caer do tractor no que circulaba por unha pista forestal. O contratempo tivo lugar en Cuns, na parroquia de Cando.
O 112 Galicia recibiu o aviso de Urxencias Médicas minutos despois das seis deste xoves. Os efectivos do 112 alertaron aos Bombeiros de Boiro e ao Ges de Muros. Tamén se informou a Protección Civil, á Policía Local e á Garda Civil de Tráfico.
Excarcerada en Outes tras impactar contra un poste
O seu vehículo caeu por un desnivel e acabou impactando contra un poste
