Un mozo de 25 anos perdeu a vida este martes pola mañá ao accidentarse co seu vehículo en Aranga e debido ao impacto quedou atrapado no turismo, polo que tivo que ser excarcerado, informa Urxencias 112.
O sinistro ocorreu ás 5.20 horas deste martes na N-VI ao seu paso pola parroquia de San Lourenzo de Vilarraso na Castellana, poucos quilómetros antes da provincia de Lugo.
A Garda Civil solicitou a colaboración do 112 para asistir ao condutor atrapado, polo que alertou ao 061-Urxencias Sanitarias, aos Bombeiros de Betanzos, aos membros do GES de Curtis e ao servizo de mantemento da estrada.
Os servizos de urxencia confirmaron no punto que o condutor falecera e que era necesario o uso do material de excarceración para a súa liberación.