Os bombeiros da Coruña extinguiron na noite deste luns un lume que se iniciou nunha nave de cemento situada no Peirao de San Diego sobre as 22:00, hora na que un particular chamou advertindo dun considerable cheiro a queimado no patio de luces, concretamente na rúa Doctor Moradas, informa o 112.
O persoal de Portos da Coruña comunicou á central que coordina as urxencias en Galicia que os efectivos de extinción atopábanse traballando nun lume nunha nave industrial, na que ardeu unha instalación na que había xofre en po.
Ao final, as chamas apagáronas con rapidez e non houbo que lamentar danos persoais nin ambientais.
O 112 informou a Garda Civil, Policía Nacional e Local e ao servizo de Medio Ambiente da Xunta.
