Un operario da depuradora de Couso, no municipio coruñés de Ribeira, resultou ferido de gravidade nas súas extremidades inferiores tras sufrir un accidente laboral na depuradora de Couso, informou este mércores o servizo de Urxencias da Xunta.
A vítima é un operario que manipulaba unha máquina na citada planta depuradora de augas residuais e sufriu lesións importantes nunha perna, que quedou enganchada nun aparello composto por cadeas, polo que corre o risco de que teña que ser amputada, precisaron as fontes.
A alerta do accidente foi rexistrada cara ás 12.00 horas polo citado servizo da Xunta, que enviou á zona unha ambulancia para trasladar de urxencia á vítima.
Ferido de gravidade un operario da depuradora de Couso en Ribeira
A vítima sufriu contusións de diversa consideración nas súas extremidades inferiores