Un traballador resultou ferido ao caer por un desnivel coa máquina que manexaba, no lugar de San Vicente de Leira, no concello ourensán de Vilamartín de Valdeorras, informou o 112.
O operario, segundo indicou o alertante que chamou ao CAE 112 Galicia para pedir axuda, ao precipitarse polo terraplén saltou, quedando ferido pero accesible. Enseguida, pasouse aviso a Urxencias Médicas, GES de Valdeorras, Garda Civil e efectivos de Protección Civil.
O traballador foi trasladado polo persoal sanitario ao centro hospitalario de referencia. O CAE 112 Galicia tivo constancia do accidente pasados uns minutos das 10.30 horas deste luns.
