Un home resultou ferido este martes no municipio coruñés de Val do Dubra tras caer do tellado da súa casa, a uns catro metros de altura. Son datos do 112, que apuntou que o suceso ocorreu no lugar de Bascuas minutos antes das 18.00 horas.
Debido ao "forte impacto", ata o lugar desprazouse un helicóptero medicalizado, aínda que o ferido finalmente foi trasladado pola ambulancia ao hospital de referencia.
Por outra banda, en Moeche, un operario resultou ferido tras caer no monte, máis concretamente, segundo o 112, no lugar de Corveira, en Pena Branca. Sobre as 17.00 horas, un home informou á central de urxencias de que o seu compañeiro caera de costas e que non se podía mover, polo que enviou persoal sanitario e da Garda Civil ao momento.
Ferido un home que se precipitou do tellado da súa casa en Val do Dubra
En Moeche foi un operario o que se lesionou tras caer de costas nun monte
