Un mozo resultou este venres ferido de consideración nunha perna mentres cortaba leña cunha motoserra na súa casa de Vimianzo, informa Urxencias 112.
O accidente ocorreu no lugar de Colúns, na parroquia de Treos, ao redor das dúas desta tarde.
O 112 avisou de inmediato do sucedido a Urxencias Médicas, a Protección Civil e á Garda Civil.
Os efectivos sanitarios decidiron mobilizar o helicóptero medicalizado con base en Santiago, aínda que finalmente o mozo foi trasladado nunha ambulancia ao Hospital Virxe da Xunqueira de Cee.
Ferido un mozo cando cortaba leña cunha motoserra en Vimianzo
O accidente ocorreu no lugar de Colúns, na parroquia de Treos, ao redor das dúas desta tarde