Un home duns 72 anos de idade resultou ferido nun atropelo rexistrado este venres nun paso de peóns do centro de Santiago de Compostela. Segundo informaron a Europa Press fontes do 112 Galicia, o atropelo sucedeu sobre as 10.25 horas deste venres á altura do número 6 da rúa Virxe da Cerca.
Foron mobilizados a Policía Local, Protección Civil e Urxencias Sanitarias de Galicia-061, que desprazou ao lugar unha ambulancia medicalizada para atender ao ferido, J.G.I., duns 72 anos, que presentaba traumatismo cranioencefálico e fractura nunha perna, segundo informaron fontes sanitarias.
SINISTRO EN COIRÓS. Por outra banda, sobre as 8.05 horas sucedeu un accidente cun vehículo envorcado no quilómetro 560 da autovía A-6 sentido A Coruña ao seu paso polo municipio de Coirós (A Coruña), segundo datos facilitados polo 112.
Debido a este sinistro foron mobilizados o 061, Garda Civil de Tráfico e Bombeiros de Betanzos. A muller que ía no vehículo tivo que ser axudada a saír do mesmo e resultou ferida leve. O vehículo accidentado interrompeu parcialmente a circulación na zona, segundo indicaron as mesmas fontes.
Ferido un septuaxenario ao ser atropelado en Santiago
Un vehículo envorca na Coruña e a súa ocupanteresulta ferida de levidade