O Concello de Laracha (A Coruña) denunciou ante a Garda Civil o roubo de máis de 500 metros de cable de iluminación pública.
O cable foi substraído na madrugada deste mércores na zona da Porta Santa (Paiosaco) e na estrada que comunica o centro urbano de Laracha con Gabenlle, informan fontes municipais.
O Consistorio iniciou xa os traballos de reposición dos 504 metros de cable, nos que investirá uns 4.000 euros.
En todo caso, solicitou a colaboración cidadá para tratar de esclarecer o ocorrido e localizar aos responsables.
Laracha denuncia o roubo de 500 metros de cable de iluminación pública
O Consistorio iniciou xa os traballos de reposición, nos que deberá investir uns 4.000 euros
