Unha muller foi liberada do interior do seu vehículo tras saírse da vía e envorcar no concello coruñés de Cabana de Bergantiños, informa Urxencias 112. O accidente ocorreu ás seis deste martes na estrada que une Ponteceso e Nantón.
Os efectivos de Grupo de Urxencias Supramunicipal excarceraron á condutora do coche, que foi trasladada polos servizos médicos ao centro de saúde de Ponteceso.
Así mesmo, o 112 avisou aos bombeiros de Carballo, aos axentes da Garda Civil de Tráfico e de Protección Civil de Cabana de Bergantiños.
Liberan a unha muller atrapada do seu vehículo en Cabana de Bergantiños
O coche da vítima envorcou tras saírse da vía
