Os Bombeiros do Eume extinguiron un incendio declarado nun vertedoiro das Somozas (A Coruña), no que ardeu unha franxa de 20 metros de residuos acumulados sen que se producisen danos persoais.
O suceso ocorreu na mañá deste domingo e, segundo informou o CAE 112 Galicia, o propio persoal da empresa que xestiona o vertedoiro axudou aos bombeiros nas tarefas de extinción.
As chamas quedaron sufocadas logo do traballo realizado polo equipo de extinción, que removeron as terras con pas ata reducir o lume por falta de osíxeno. Tras isto, os Bombeiros do Eume regaron a zona para evitar que se reproducise.
Os bombeiros sufocan un incendio nun vertedoiro das Somozas
Ardeu unha franxa de 20 metros de residuos acumulados ► Non se produciron danos persoais
