A Garda Civil requisou 9.000 artefactos pirotécnicos nun posto de venda ambulante na localidade coruñesa de Sada.
Axentes da Patrulla de Fiscal e Fronteiras (PAFIF) da Coruña actuaron durante as festas patronais da localidade nun posto cuxo propietario carecía da autorización necesaria para a comercialización de explosivos.
Este operativo, encadrado nos labores que os axentes teñen encomendadas na loita contra a fraude fiscal, levou a cabo o pasado día 19 de agosto.
Os gardas identificaron ao propietario do posto ambulante tras observar como os artefactos pirotécnicos estaban dispostos para a súa venda ao público.
Os axentes efectuaron a correspondente denuncia sobre este feito ante a Subdelegación do Goberno, informa a Garda Civil a través dun comunicado.
A mercancía incautada, 9.000 artefactos pirotécnicos das categorías un e dúas, atópase almacenada nun depósito comercial a disposición da autoridade competente.
A Garda Civil requisa 9.000 artefactos pirotécnicos en Sada
Unha operación da Garda Civil desmantelou un posto de venda ambulante con material irregular que operaba na localidade coruñesa