Un coche saíuse da vía e caeu por un terraplén duns catro metros de profundidade nas curvas do Vilar, en Ourense, informou o 112.
A condutora tivo que ser rescatada polos bombeiros da cidade e evacuada en ambulancia ao complexo hospitalario.
O accidente produciuse uns minutos antes das seis deste venres. Unha persoa pediu axuda ao persoal do CAE 112 Galicia que, á parte dos bombeiros, avisou aos profesionais de Urxencias Médicas e aos axentes da Garda Civil.
