Un roubo de 500 metros de cable no Concello de Culleredo, na Coruña, deixou sen iluminación a unha estrada que une Peiro de Arriba e Celas.
Segundo informou o primeiro tenente de alcalde do Concello de Culleredo, José Ramón Rioboo, este venres deuse orde de tramitar a reposición do cable para volver pór en marcha a iluminación e encargáronse xa os traballos.
Este roubo únese a outros que tiveron lugar nas últimas semanas na área metropolitana tamén de cable eléctrico. Así, o Concello fai un chamamento aos veciños para que informen á Garda Civil e á Policía Local no momento que observen condutas sospeitosas.
Rouban 500 metros de cable en Culleredo e deixan sen luz unha estrada
Durante as últimas semanas producíronse numerosos altercados deste tipo na área metropolitana
