Un incendio nunha cociña, que se orixinou nunha pota, provocou queimaduras leves a unha veciña da Coruña, informou o 112.
O incidente rexistrouse o xoves, ás 21:30 horas, na Rúa Fontaíños, en Palavea. O lume estendeuse á campá extractora e causou feridas leves nas mans á ocupante da vivenda.
A muller foi trasladada ao centro médico de referencia por unha ambulancia de Urxencias Médicas. De extinguir as chamas encargáronse os Bombeiros da Coruña.
O persoal do CAE 112 Galicia activou o operativo tras recibir a chamada dun particular. Ademais dos servizos de extinción, acudiron ao lugar do incendio os axentes da Policía Local.
POIO. Así mesmo, en Poio (Pontevedra), arderon uns cadros eléctricos situados na fachada dunha nave industrial situada na chaira da Seca.
Neste caso, bastaron os efectivos de Protección Civil para sufocar o lume, que pasou para o interior das instalacións, aínda que sen provocar máis danos.
No entanto, os xestores do 112 Galicia informaron aos Bombeiros do Salnés e aos membros do GES de Sanxenxo. O incendio rexistrouse ás 7:30 horas deste venres.
Sofre queimaduras leves tras incendiarse unha pota na súa casa da Coruña
O lume orixinouse no recipiente e estendeuse á campá extractora, causando feridas leves nas mans da muller
