Un operario dunha empresa de tratamento de residuos resultou ferido este luns ao precipitarse desde unha altura de dez metros. O accidente produciuse na parroquia de Lamas, no lugar de Leiro (Ourense).
O home caeu mentres traballaba nun tellado e tivo que ser trasladado en helicóptero medicalizado con base en Ourense ata un centro hospitalario.
Outro membro do persoal da empresa foi o que tivo que alertar ao Centro de Atención ás Emerxencias ás 13.00 horas. Desde o 112, tamén mobilizaron no dispositivo a Urxencias Médicas, a Garda Civil e os efectivos do GES de Avión e de Ribadavia.
Trasladan a un operario ao precipitarse dez metros en Leiro
O home traballaba nunha empresa de tratamento de residuos
