Dous turismos chocaron na A-52, ao paso polo termo municipal da Cañiza, co resultado de tres menores e un adulto feridos.
Un particular chamou ao 112 Galicia ás once da mañá deste sábado para pedir axuda, informou a Axencia de Emerxencias de Galicia.
Os xestores do Centro de Atención ás Emerxencias informaron os servizos sanitarios de urxencia, aos axentes da Garda Civil de Tráfico e aos Bombeiros de Ponteareas.
