Un home resultou ferido tras sufrir un accidente co seu tractor na parroquia de Serrantes, situada no municipio coruñés de Oleiros.
Segundo a información achegada polo CAE-112 Galicia, o home tivo que ser excarcerado polos servizos de urxencia logo de quedar atrapado debaixo do seu tractor. Ao parecer a máquina envorcou tras caer por un desnivel e foi a parar a unha zona de difícil acceso.
Así, os Bombeiros da Coruña desprazáronse ao lugar para liberar ao condutor e posteriormente, o tractor foi retirado do desnivel coa axuda dun guindastre.
Un home resulta ferido ao envorcar o seu tractor no municipio de Oleiros
A máquina precipitouse por un desnivel ata unha zona de complicado acceso
