Un incendio calcinou este xoves dúas habitacións dunha vivenda unifamiliar de Betanzos. Unha das estancias tivo que ser precintada pola Garda Civil debido ao perigo de derrubamento. Descoñécense as causas do lume, aínda que todo parece indicar que se iniciou na cheminea.
A placa de ambas as habitacións sufriu danos importantes, así como a instalación eléctrica. Ningunha persoa resultou ferida no incendio.
No operativo de urxencia participaron os bombeiros de Betanzos, Protección Civil e a Garda Civil.
