Un edificio da Rúa Principal de Boiro foi desaloxado tras producirse un incendio nunha das vivendas, segundo informaron os efectivos do parque comarcal.
O lume orixinouse na cociña da primeira planta. Unha tixola foi deixada ao lume sen coidado, o que provocou que ardese a campá extractora e que o fume terminase afectando o inmoble por completo.
Afortunadamente, non houbo que lamentar danos persoais. Varios particulares alertaron ao CAE 112 Galicia minutos antes das 15:00 horas deste venres. Tambien se tivo que requirir a presenza dos Bombeiros de Boiro, Protección Civil e Policía Local. Ademais, informouse a Urxencias Médicas de que, por precaución, semobilizaría unha ambulancia ao lugar dos feitos.