Un vehículo circula a 206 km/h por unha estrada limitada a 90 en Lleida

Os Mossos d'Esquadra imputaron penalmente a un condutor de 36 anos como presunto autor dun delito contra a seguridade no tráfico, logo de detectar que circulaba a 206 quilómetros hora por un tramo da C-53 limitado a 90, á altura da poboación leridana de Castellserà.

Segundo informou a policía autonómica, os feitos sucederon o pasado domingo, durante un control de velocidade que se montou na C-53, no citado termo municipal.

Ás 10.53 horas, os axentes detectaron un turismo que circulaba a 206 km/h nun tramo de vía onde a velocidade máxima permitida é 90. Por este motivo, imputouse ao condutor un delito contra a seguridade no tráfico ao circular a unha velocidade penalmente punible.

O condutor, de nacionalidade española e veciño de Barcelona, terá que comparecer este martes ante o xulgado de instrución en funcións de garda de Balaguer.