Unha muller foi trasladada en ambulancia polos servizos sanitarios de urxencia tras resultar ferida nun accidente de tráfico rexistrado este mércores ao mediodía no concello coruñés de Cambre, informou a central que coordina as urxencias en Galicia.
No sinistro, chocaron un autobús urbano e un turismo, no que unicamente viaxaba a muller que se lesionou e, por fortuna, o transporte público ía baleiro e ninguén máis se viu prexudicado por este episodio.
O accidente sucedeu ao fío das dúas e media da tarde na DP-1706, a estrada que une Cambre e O Burgo, á altura do lugar da Barcala.
O persoal do 112, tras recibir o aviso dun particular, informou a Urxencias Médicas, aos efectivos de Protección Civil de Cambre e a axentes da Policía Local.
Ademais, foi requirida a intervención do persoal de limpeza e o mantemento da estrada da Deputación da Coruña.
Unha colisión entre un bus urbano e un turismo sáldase cunha muller ferida en Cambre
Tivo lugar na DP-1706 á altura do lugar da Barcala. No transporte público só viaxaba o condutor, que non sufriu ningún dano