Os servizos sanitarios de urxencia trasladaron na mañá deste mércores a unha muller que resultou afectada por un incendio no interior da súa vivenda.
O lume produciuse ao redor das 11:30 horas nun sexto piso da Rúa Xeneral Sanjurjo, na cidade da Coruña. Un viandante decatouse do fume que saía pola fiestra e chamou de inmediato ao 112 Galicia.
Dentro, había unha muller de avanzada idade que, finalmente, foi evacuada nunha ambulancia de Urxencias Médicas ao Complexo Hospitalario Universitario da Coruña (Chuac). Ademais dos técnicos sanitarios e os bombeiros da cidade, o persoal do Cae 112 Galicia informou aos axentes da Policía Local e Protección Civil.
Unha muller evacuada ao Chuac tras producirse un incendio na súa vivenda
Un viandante decatouse do fume que saía pola fiestra dun sexto piso da Rúa Xeneral Sanjurjo
