Unha muller necesitou este sábado asistencia médica despois de sufrir unha crise nerviosa polo incendio que calcinou case por completo a súa vivenda en Baltar, en Ourense, informa Urxencias 112.
O lume, que ameazaba con estenderse ás propiedades lindeiras, orixinouse ao mediodía nunha casa próxima á igrexa de Baltar.
Finalmente, os bombeiros lograron controlar as chamas, que queimaron a primeira planta e o tellado dunha casa.
Ás catro desta tarde, os efectivos do parque de Xinzo daban por finalizado o operativo.
