Unha persoa foi evacuada este sábado logo de declararse un incendio de escasas dimensións na cociña dun hotel de Narón. A vítima sufriu unha crise de ansiedade.
O establecemento onde se declarou o lume sitúase no Polígono do Río do Pozo e as chamas afectaron unicamente aos condutos das chemineas. O incendio foi extinguido polos empregados do hotel antes de que chegasen os efectivos de urxencia.
O 112 Galicia tivo coñecemento dos feitos ás 11.45 horas e acto seguido alertou a Urxencias Sanitarias, aos Bombeiros de Narón, ao Servizo de Urxencias municipal e á Garda Civil. A persoa foi trasladada ao Hospital Arquitecto Marcide de Ferrol.
Unha persoa sofre un ataque de ansiedade en Narón tras un incendio
O lume orixinouse na cociña dun hotel da localidade
