O exconselleiro e exdeputado do BNG Fernando Blanco compareceu este martes en Santiago acompañado dos avogados Evaristo Nogueira e Xoán Antón Pérez Lema. "Aproveito para dar as grazas aos amigos, compañeiros, ao Bloque e por suposto á familia polo apoio que sempre tiven e me permitiu pasar estes anos con certa tranquilidade", indicou en rolda de prensa, días despois de que a Audiencia Provincial de Lugo arquivase a causa contra el na peza separada da operación Campeón, que se abriu tras as declaracións do empresario Jorge Dorribo e que lle custou a súa acta. VÍDEO: V.R.
