Mundo

Máis de 20 mortos, entre eles menores, por un tornado en Alabama

Polo menos vinte e dúas persoas morreron este domingo, entre elas menores de idade, e decenas resultaron feridas polos tornados no estado de Alabama, en Estados Unidos, informou o shériff Jay Jones, do condado de Lee, citado por medios de comunicación locais. "Desafortunadamente sinto que o número (de vítimas) pode aumentar de novo", dixo Jones, que anteriormente falara de catorce falecidos, en declaracións á prensa. O responsable sinalou que aínda hai persoas desaparecidas e que hai feridos graves que foron levados a hospitais.