Para aqueles que ven con receo o avance das tecnoloxías e a autonomía crecente das máquinas, o novo vídeo de Boston Dynamics resultará, cando menos, inquietante. Nel vese un can SpotMini frustrado por non poder saír dunha estancia e como un modelo mellorado cun brazo mecánico chega na súa axuda. Nuns segundos, utiliza o pomo para abrir a porta e el e o seu compañeiro de catro patas abandonan a habitación ao trote.
