O novo anuncio de Gillette ten como protagonista un mozo trans que se afeita por primeira vez acompañado polo seu pai. "Aínda estou a descubrir que tipo de home quero ser. Sempre souben que era diferente, pero non sabía que existía un termo para definir o tipo de persoa que son. Empecei a miña transición só porque quería ser feliz", conta o mozo no anuncio, que a compañía publicou nas súas redes sociais e que tivo unha gran acollida entre os usuarios de Twitter e Facebook.
