Ocorreu o venres na Coruña, durante o concerto que ofreceron os concursantes da última edición de Operación Triunfo. Aitana e Cepeda, máis coñecidos como Aiteda, cantaron xuntos No puedo vivir sin ti e ao rematar a canción o ourensán deulle bico, nun principio na fazula pero que pareceu querer estender cara a boca da catalá. No entanto, Aitana, arroibada talvez pola presenza do público, apartouse cun delicado aceno.
