Dous traballadores da estación de tren Cheam en Sutton (Londres) foron gravados botándolle auga sucia —con lixivia, segundo publicou nas redes unha das testemuñas— a un indixente que estaba a durmir no chan. A escena foi captada por varias persoas que, indignadas co comportamento do persoal, subiron os seus vídeos a internet para denuncialo publicamente. Ante o balbordo suscitado, os operarios foron suspendidos.
