domingo. 22.09.2019 |
El tiempo
domingo. 22.09.2019
El tiempo

O Grupo El Progreso supera o millón de lectores na súa plataforma dixital

Evolución da plataforma dixital do Grupo El Progreso
Evolución da plataforma dixital do Grupo El Progreso

El Progreso de Lugo achégase aos 700.000 usuarios e Diario de Pontevedra pasa os 300.000

1.093.613. A plataforma dixital do Grupo El Progreso acaba de romper con rotundidade a barreira do millón de usuarios únicos nun mes de marzo de auténtico récord.

Preto de 700.000 lectores —en concreto 698.826— corresponden a El Progreso, que experimenta un crecemento do 70,92%. Diario de Pontevedra tamén establece unha nova marca con 332.811 (+51,01%), o que supón superar por primeira vez os trescentos mil usuarios. A terceira pata da plataforma, Galiciae.com, achega outros 61.976, cunha subida en termos relativos do 87,84%. Todo iso para totalizar 1.093.613 usuarios (un 65,14 por cento máis de media), sempre segundo os datos oficiais de Google Analytics.

O aumento no número de lectores vén acompañado dun crecemento exponencial no número de páxinas vistas (5.679.958) e tamén na cifra total de visitas (2.745.867). En termos relativos as subidas son do 128,33% e do 68,27%, o que dá idea da evolución experimentada pola dixital do Grupo El Progreso.

Estes datos positivos, que reforzan os liderados tanto de El Progreso como de Diario de Pontevedra nas súas respectivas áreas de influencia, veñen acompañados dun aumento da duración das sesións, o que significa que os usuarios dos distintos sites teñen agora máis motivos para alargar a visita e, consecuentemente, mellorar a súa experiencia de usuario. Todo iso é un dato a ter en conta por anunciantes e publicistas, que cada vez apostan máis pola plataforma dixital deste grupo de comunicación.

Os datos de Google Analytics correspondentes a marzo, que establecen rexistros históricos para ElProgreso.es, DiariodePontevedra.es e Galiciae.com, prodúcense tras uns meses de gran crecemento, que se iniciou co cambio de deseño e xestor de contidos dixitais (CMS) levado a cabo pola empresa galega Openhost desde o 14 de novembro.

Redes sociais ►Instagram é a próxima aposta
Ademais de cambiar de deseño e de CMS, con Opennemas como principal ferramenta, a plataforma online do Grupo El Progreso prepárase para afrontar novos retos nun mundo tan cambiante como a dixital. Un deles pasa por potenciar as redes sociais. Facebook e Twitter, onde o grupo conta con máis de 135.000 seguidores, canalizan moitas das visitas que reciben os distintos portais, que, a pesar de todo, teñen cada vez máis tráfico directo. A seguinte aposta é dispor dunha conta de Instagram que axude a visibilizar a oferta informativa e atraia a novos usuarios, especialmente os máis novos. Para iso nutrirase do abundante material gráfico e dalgúns vídeos que se editan diariamente.

 

O Grupo El Progreso supera o millón de lectores na súa plataforma...
Comentarios