domingo. 11.04.2021 |
El tiempo
domingo. 11.04.2021
El tiempo

Morre aos 95 anos o poeta Ernesto Cardenal, figura clave da Teoloxía da Liberación

Ernesto Cardenal, en 2014. ARCHIVO
Ernesto Cardenal, en 2014. ARCHIVO
O Papa Juan Pablo II suspendérao 'a divinis' por mesturar a relixión coa revolución sandinista

O sacerdote e poeta nicaraguano Ernesto Cardenal morreu este domingo aos 95 anos, segundo informou a escritora Gioconda Belli. Cardenal é unha das figuras clave da Teoloxía da Liberación e estivo vinculado co movemento sandinista. 

"O noso gran poeta acaba de morrer aos seus 95 anos, logo dunha vida entregada á poesía e á loita pola liberdade e a xustiza", escribiu Belli, nunha mensaxe dirixida a xornalistas. Cardenal, que faleceu en Managua, dedicou case de maneira total á literatura os seus últimos anos, e xusto hai un celebraba a edición do seu último libro, Hijos de las estrellas.

Hai exactamente un ano tamén dirixiu unha misa na súa casa, unha das primeiras desde 1985, despois de que o Papa Francisco o absolvese "de todas as censuras canónicas" que lle impuxo Juan Pablo II, cando o suspendeu a divinis, por mesturar a relixión coa revolución sandinista.

O autor de Oración por Marilyn Monroe e outros poemas ou Epigramas está considerado como un dos autores máis prestixiosos de América Latina. As súas obras foron traducidas a máis de 20 idiomas e recibiron recoñecementos internacionais como a orde Lexión de Honra en Grao de Oficial do Goberno de Francia ou o Premio Iberoamericano de Poesía Pablo Neruda. 

Coñecida a morte de Cardenal, o Goberno nicaraguano trasladou as súas "máis sinceras condolencias" a familia e amigos en nome do pobo e decretou tres días de dó nacional. 

Morre aos 95 anos o poeta Ernesto Cardenal, figura clave da...
Comentarios