domingo. 15.12.2019 |
El tiempo
domingo. 15.12.2019
El tiempo

O testamento de Franco: 28 millóns de pesetas de herdanza e o Pazo de Meirás

Francisco Franco. ARCHIVO
Francisco Franco. ARCHIVO
El Mundo accede ao documento: a fortuna do ditador sería hoxe de 1,7 millóns se se actualiza co IPC

Francisco Franco deixou 28,5 millóns de pesetas (case 1,8 millóns de euros hoxe) na súa herdanza para a súa muller, Carmen Polo, e a súa filla Carmen, segundo o testamento que publica este luns o xornal El Mundo e que fixo o ditador o 20 de febreiro de 1968, case oito anos antes do seu falecemento.

O patrimonio que legou á súa muller e a súa filla estaba formado polo Pazo de Meirás e outras leiras e inmobles, valores en sociedades e contas, aínda que o palacete señorial situado no municipio de Sada, A Coruña, constitúe a parte máis valiosa da herdanza.

No testamento que divulga o diario faise constar, ademais, que deixa "á libre determinación dos seus herdeiros, que logo nomeará, todo o relativo ao enterro, funeral e demais sufraxios que deberán celebrarse pola súa alma".

En canto á herdanza que lega á súa muller e filla exponse no documento o seu desexo de que mentres viva a súa esposa non se practique a división da herdanza senón que se administre e usufructúen todos os bens en que a mesma consista.

O testamento, que segundo El Mundo foi aberto ante o notario Sergio González Collado, constaba da sociedade conxugal de Francisco Franco e Carmen Polo que tiña 28.500.315,38 pesetas (171.290 euros), que mediante a actualización da renda seguindo o IPC hoxe equivalerían a 1.778.165 euros.

Foto de arquivo do Pazo de Meirás. AEP

Segundo publica o xornal, Carmen Polo quedou coa metade da súa participación nos gananciais (14.250.157,69 pesetas) e o terzo de libre disposición(4.750.052,56 pesetas) tras a renuncia da viúva de Franco á cota legal usufructuaria. Carmen Franco recibiu, pola súa banda, 9.500.105,13 pesetas.

En diferentes contas, tres en Oviedo e unha en Madrid, Franco e a súa muller tiñan un saldo total de 1.004.890,38 pesetas (6.039,51 euros), en renda actualizada 62.693,04 euros, e en accións de diferentes compañías, 1.457.425 pesetas (8.759,30 euros), que equivalería agora a 90.930,29 euros.

O Pazo de Meirás estaba valorado en 14 millóns de pesetas entón, que hoxe serían 840.827,91 euros, aínda que nos anos sucesivos ao testamento Franco adquiriu parcelas adxacentes ao pazo valoradas en 2 millóns de pesetas.

O testamento de Franco: 28 millóns de pesetas de herdanza e o Pazo...
Comentarios