Anuncian en Instagram a morte de Guardado e el responde
O xogador do Betis lamentou o que considera unha "falta de responsabilidade"
Unha conta de Instagram difundiu nas últimas horas o bulo da morte de Andrés Guardado, xogador do Betis e ex do Deportivo e a Valencia, entre outros equipos.
O xogador mexicano respondeu rapidamente nas redes: "Vivito e coleando". E engadiu: "Quero denunciar este tipo de actos que persoas a través dunha rede, por diversión ou polo que sexa, dean información sen saber o dano que poden facer ás familias e a toda á xente que me rodea".
"Paréceme unha falta de responsabilidade, de sensibilidade e de sentido do humor", lamentou Guardado.
