Aspas entra na lista de Luís Enrique por problemas familiares de Costa

O de Moaña incorporarase este luns á concentración

Iago Aspas celebra un gol anotado con España este mismo año. JAVIER LIZÓN (EFE)
photo_camera Iago Aspas celebra un gol anotado con España este mismo año. JAVIER LIZÓN (EFE)

A primeira convocatoria de Luís Enrique Martínez como seleccionador español sofre un cambio de última hora o día que se incorporan os internacionais á concentración na Cidade do Fútbol, por problemas familiares de Diego Costa que deixa a súa praza ao moañés Iago Aspas.

A Real Federación Española de Fútbol (RFEF) informou vinte minutos antes de que se cumpra a hora á que se deben incorporar os xogadores citados por Luís Enrique para disputar os partidos ante Inglaterra e Croacia da liga das Nacións de UEFA, que Diego Costa causa baixa por cuestións "familiares".

O oco que deixa o dianteiro do Atlético de Madrid ocúpao un dos que foran descartados respecto dos que defenderon a España no Mundial de Rusia, o dianteiro do Celta de Vigo Iago Aspas, que se incorporará durante o luns á concentración en Las Rozas.

Comentarios