Víctor Sánchez el Amo, actual adestrador do Málaga, foi suspendido "das súas funcións de forma inmediata" como adestrador do Málaga despois de que se difundira un vídeo seu de carácter íntimo polas redes sociais.
"En base aos acontecementos recentemente descubertos e que aínda non foron verificados, o Málaga CF suspende das súas funcións de forma inmediata ao adestrador Víctor Sánchez del Amo ata que se realice unha investigación completa", apunta o comunicado que o club fixo público na tarde deste martes. O club engade no seu escrito que ampliarán "a información unha vez se esclarezan os feitos".
Víctor Sánchez del Amo, pola súa banda, denunciou tamén este martes ante a Policía Nacional a emisión dun vídeo íntimo e que está "a ser obxecto dun delito" contra a súa "intimidade con acoso e extorsión".
O técnico madrileño, que tamén foi xogador e adestrador do Deportivo, ofreceu este martes un comunicado no que informou desta situación e de que o asunto se atopa "en mans da policía", da que seguirá "instrucións" desde este momento en diante.
