O Molinón también levará o nome de Enrique Castro ► Maradona, entre os moitos que reaccionaron á morte do Bruxo
Centenares de afeccionados están mostrando o seu respecto e homenaxe a Enrique Castro, Quini, na capela ardente instalada desde o mediodía no estadio do Molinón, onde ás 20.00 horas tená lugar o funeral coas tribunas abertas ao público.
Desde primeiras horas da mañá, afeccionados do Sporting fixeron cola ás portas do Molinón, que desde este mércores levará también o nome de Enrique Castro, Quini, á espera da chegada do féretro que foi recibido con aplausos.
O Molinón levará también o nome de Enrique Castro, Quini, a partir de agora
Xa ao longo da noite do martes as inmediacións da porta número 9 de estadio xixonés, o dorsal de Quini na súa etapa de xogador, foise enchendo de mensaxes, flores e candeas acendidas en recordo do que fora dianteiro do Sporting de Gijón, do F.C. Barcelona e da selección española.
Tamén desde primeiras horas comezaron a chegar decenas de coroas e ramos de flores enviadas por clubs, institucións e peñas, ata o punto de non poder situalas todas no recinto habilitado para que as persoas que se achegaron ao municipal xixonés presentasen os seus respectos ao goleador branquivermello, falecido onte á noite por mor dun infarto.
Ao estadio do Molinón achegáronse non sóo afeccionados senón tamén compañeiros e adestradores da súa época como xogador ou delegado, como José Manuel Novoa, Miguel Montes, Jiménez, Cundí, Joaquín, Maceda, Esteban, Espiñenta, Eloy, Redondo ou Uría, así como o presidente da Federación Asturiana de Fútbol, Maximino Martínez.
Paralelamente ao acto no Molinón, que se prolongará ata as oito da tarde cando terá lugar o funeral, o Concello convocou unha concentración e un minuto de silencio na Praza maior onde as bandeiras ondean a media hasta xa que se decretaron tres días de loito.
"Foise Quini, O Bruxo, un home excepcional e un dianteiro que lle fixo goles a todos. A verdade é que foi un goleador dos que xa non hai", publicou Maradona na súa conta de Facebook.
O adestrador do Deportivo Alavés, o asturiano Abelardo Fernández, dixo de Quini que en Asturias era o que Maradona era en Arxentina, é dicir, "Deus".
"Foise Quini, O Bruxo, un goleador dos que non hai", dixo Maradona
O adestrador do Betis, Quique Setién, lamentou a perda do exfutbolista e definiuno como unha persoa "extraordinaria" e que "achegaba coherencia ao mundo do fútbol".
Pola súa banda, o adestrador do Barcelona, Ernesto Valverde, lamentou a perda "moi importante" de Enrique Castro, de quen dixo que era "unha persoa entrañable e cariñosa".
Tamén se pronunciou o presidente de LaLiga, Javier Tebas, para definilo como "o Maradona español".
Representantes do Oviedo súmanse á homenaxe do que fora mito do sportinguismo
