Oficial: A UEFA apraza a Champions e a Europa League da próxima semana

Suspéndense o Barcelona-Nápoles e Bayern Múnic-Chelsea
Sede da UEFA en Nyon (Suíza). EUROPA PRESS
photo_camera Sede da UEFA en Nyon (Suíza). EUROPA PRESS

Todos os partidos de competicións europeas previstos para a próxima semana foron aprazados pola UEFA, anunciou este venres a organización que rexe o fútbol europeo.

"En vista da propagación do covid-19 en Europa e as decisións sobre a materia adoptadas por diferentes gobernos, todos os partidos de competicións europeas de clubs previstos para a semana próxima quedan pospostos", sinala o comunicado da UEFA.

Ata este venres só estaban suspendidos os partidos de Champions do día 17 Manchester City-Real Madrid e Juventus-Lyon. Agora aprázanse tamén os do día 18, Barcelona-Nápoles e Bayern Múnic-Chelsea. 

O adiamento afecta aos pendentes partidos de volta de oitavos de final da Liga de Campións que se ían a disputar os días 17 e 18 de marzo; a todos os partidos de volta de oitavos de final da Liga Europa do 19 de marzo, e aos partidos de cuartos de final da UEFA Youth League dos días 17 e 18 de marzo. 

"As decisións sobre as datas en que se disputarán estes partidos serán comunicadas ao seu debido tempo", indica a nota.

Como consecuencia do adiamento dos partidos, explica a UEFA, tamén se pospoñen os sorteos de cuartos de final que se ían a celebrar o 20 de marzo. 

A UEFA invitou ás súas 55 federacións membro, á Asociación Europea de Clubs e ás ligas Europeas, ademais da o sindicato FIFPro, a unha videoconferencia que se celebrará o martes 17 de marzo "para estudar a resposta do fútbol europeo ao desafío", sinala o comunicado. 

Comentarios