O Banco de España: "Ter Presupostos é o desexable en democracia"

O órgano supervisor rebaixa o crecemento previsto para este ano unha décima polo sector exterior

Sede del Banco de España. AEP
photo_camera Sede del Banco de España. AEP

O Banco de España rebaixou unha décima, ata o 2,6%, a súa previsión de crecemento económico para este ano ante o empeoramento das perspectivas dos mercados exteriores e o encarecemento do petróleo.

Por estes mesmos factores, o Banco tamén baixou as súas previsións para 2019 -ao 2,2%, dúas décimas menos- e 2020 -ao 2%, unha décima menos-, segundo detalla nas súas proxeccións macroeconómicas para o período 2018-2020 publicadas este martes.

O crecemento económico deste ano procederá exclusivamente da achega da demanda nacional (2,7 puntos, dúas décimas máis que na estimación de xuño), xa que a demanda exterior restará unha décima (cando en xuño se estimaba que contribuiría con dous).

O Banco de España revisou á alza tanto a súa previsión de consumo privado, que crecerá un 2,6%, como de investimento, que repuntará un 5,1% (en xuño estimaba un 4,2%), impulsada tanto pola destinada a bens de equipo (5,1%) como pola de construción (5,5 %).

O crecemento económico será intensivo en creación de emprego, segundo as proxeccións, o que permitirá situar a taxa de paro por baixo do 12% a finais de 2020.

"Ter Orzamentos é o claro sinal de normalidade democrática"
O Banco de España considera que ter Orzamentos cada exercicio é "esperable" e "desexable" desde o punto de visa do normal funcionamento dun Estado democrático, aínda que recorda que a Constitución prevé a prórroga das contas para cando esta situación non é posible.

"Ter Orzamentos é o sinal máis claro de normalidade democrática", dixo o director xeral de Economía e Estatística da entidade, Óscar Arce, que presentou en rolda de prensa as proxeccións macroeconómicas do Banco de España para o período 2018-2020.

No entanto, incidiu en que -a diferenza do que ocorre noutros países- a Administración pública española non se detén porque non haxa Presupostos dado que a súa prórroga automática está prevista na Constitución.

Preguntado sobre se o risco asociado á incerteza política é maior desde o cambio de Goberno, Arce dixo que a situación apenas cambiou respecto da de hai uns meses e que proba diso é que os mercados de capitais e investimento non reaccionaron nin favorable nin desfavorablemente á chegada do Executivo socialista.

"Aquí non se viviu nada semellante nin de lonxe ao que se viviu en Italia por exemplo", engadiu. 

Comentarios