O presidente da Xunta en funcións, Alberto Núñez Feijóo, acompañado polo conselleiro de Economía en funcións, Francisco Conde, manterá este martes unha reunión co comité de empresa de Alu Ibérica na Coruña.
A reunión terá lugar ás 11,30 horas na Delegación Territorial da Xunta. E é que Feijóo prometeu ao comité de empresa de Alu Ibérica que lles recibiría esta semana en calidade de presidente.
Fíxoo o pasado venres, na xornada do peche da campaña e nun mitin na Coruña ao que os traballadores levaron as súas protestas.
"O Goberno de España enganoulles e viñeron a manifestar o seu problema porque van perder o seu traballo. Non me esquezo deles e a próxima semana recibireinos como presidente da Xunta en Santiago", sentenciou Feijóo, durante o mitin. "É a miña obrigación, eles cumpriron e eu cumprirei tamén", resolveu.
