Arquivada a causa contra os tres policías de Madrid por insultar a Carmena nun chat

Nas mensaxes, segundo a denuncia dun axente, vexábase a inmigrantes e encomiábase a Hitler

Manuela Carmena. MARISCAL (EFE)
photo_camera Manuela Carmena. MARISCAL (EFE)

O Xulgado de Instrución número 42 de Madrid arquivou a causa que seguía contra tres policías municipais de Madrid por posibles delitos de odio e inxurias polos insultos vertidos nun chat de axentes contra a alcaldesa Manuela Carmena e comentarios racistas.

Segundo o auto, ao que tivo acceso a Efe, non hai indicios racionais deses delitos e acórdase o sobresemento provisional e consecuente arquivo.

No chat chamábase á alcaldesa madrileña "vejestorio despreciable" e dicíase que "o que é terrible é que ela non estivese no despacho de Atocha cando mataron aos seus compañeiros", entre outras mensaxes nos que, segundo a denuncia dun axente, tamén se encomiaba a Hitler e o nazismo e vexábase aos inmigrantes.

Comentarios