jueves. 02.12.2021 |
El tiempo
jueves. 02.12.2021
El tiempo

Santiago e outras cinco localidades abandonan o nivel vermello de alerta

2020110911584318061
2020110911584318000
Galicia conta hoxe con 44 municipios en alerta máxima ►Ordes, Noia, O Carballiño, Verín e Soutomaior saen tamén do risco vermello, pero incorpórase Cee


O número de municipios en alerta vermella pola incidencia da COVID-19 nos últimos sete días baixou de 50 a 44 con respecto ao domingo, tras incorporarse á listaxe Cee e desactivarse esta situación en seis concellos: Santiago de Compostela, Ordes, Noia, O Carballiño, Verín e Soutomaior.

Segundo a actualización deste luns do mapa de alertas da Consellería de Sanidade, que reflicte certa melloría ao descender do medio centenar a cifra de localidades en risco máximo, na provincia de Ourense tan só quedan Xinzo de Limia, Ribadavia e a propia capital.

En Lugo, son seis os municipios en alerta vermella, os mesmos que figuraban este domingo: Cervo, Chantada, Viveiro, Burela, Vilalba e a cidade de Lugo.

Mentres tanto, os concellos coruñeses en situación máxima baixaron a 18 tras a saída de Santiago, Noia e Ordes, e a incorporación de Cee. Así, continúan Ferrol, Narón, Fene, Pontedeume, A Coruña, Arteixo, Culleredo, Cambre, Oleiros, Carballo, Malpica, Ponteceso, Cabana, Vimianzo, Santa Comba, Ames e Teo.

En canto á provincia de Pontevedra, a desactivación en Soutomaior do nivel vermello pola incidencia da pandemia deixa a listaxe en 18: Cambados, O Grove, A Guarda, Lalín, Marín, Mos, Nigrán, Poio, Pontevedra, O Porriño, Ponteareas, Redondela, Ribadumia, Salvaterra de Miño, Sanxenxo, Tui, Vigo e Vilagarcía de Arousa.

A alerta máxima de risco de todas estas localidades implica que se detectaron máis de 21 casos de coronavirus nos últimos sete días. Con todo, nas urbes de máis de 50.000 habitantes, o limiar para detectar o aviso vai en función do tamaño: Ferrol --máis de 76 casos nunha semana--, Pontevedra --máis de 96--, Lugo --máis de 112--, Ourense --máis de 120--, A Coruña --máis de 276-- e Vigo --máis de 332--.

NIVEL LARANXA. No segundo nivel de alerta se atopan este luns 29 municipios galegos, máis que o domingo tras a incorporación de seis que descenden do nivel máximo --O Carballiño, Verín, Ordes, Santiago, Noia e Soutomaior-- e doutros tres que empeoran os seus datos nos últimos sete días: Sarria, Camariñas e Ponteceso.

Deste xeito, a provincia con máis concellos en alerta laranxa é A Coruña, con 13: Boqueixón, Coristanco, Camariñas, Noia, Ponteceso, Valdoviño, Sada, Laxe, Zas, Porto do Son, Santiago, Neda e Ribeira.

Segue a esta a de Pontevedra, cunha decena neste nivel: A Estrada, Cangas, Moaña, Caldas de Reis, Bueu, Salceda de Caselas, Ponte Caldelas, Soutomaior, Baiona e Tomiño.

Pola súa banda, os municipios lucenses en alerta laranxa son dous, Monforte e Sarria, mentres que en Ourense creceron a catro: O Carballiño, Barbadás, A Rúa e Verín.

Santiago e outras cinco localidades abandonan o nivel vermello de...
Comentarios